Inskribatu hemen parte hartzeko
Eraiki gurekin klase-feminismo antifaxista!
Datorren larunbatean, otsailak 28, Emakume Aske eta Borrokalarien VII. topaketa ospatuko dugu Madrilen. Egun osoan zehar, Estatu osoko langile, ikasle eta pentsionistok, gure auzo, institutu, unibertsitate eta lanpostuetan feminismo iraultzailea bultzatzen dugunok, indarkeria matxistaren, faxismoaren eta kapitalismo patriarkalaren aurkako borrokan aurrerapausoak nola eman eztabaidatuko dugu.
Une kritikoa bizi dugu. Gerra inperialistek, berrarmatze plan militaristek, herri palestinarraren aurkako holokaustoak, gizarte-zerbitzuetako murrizketek, etxebizitza duinerako eskubidea ukatzen digun espekulazio inmobiliarioak, indarkeria matxista eta arrazistaren areagotzeak eta borrokatzen dugun errepresio polizialak markatutako unea.
Badakigu hori guztia oso lotuta dagoela mundu osoan eskuin muturrak aurrera egitearekin. Trump, Netanyahu, Milei, Ayuso edo Abascalek ordezkatzen dutena ez da arinki hartzekoa. Ikusi besterik ez dago Palestinako herriaren genozidioari edo AEBetan ICEk odol hotzean egindako hilketei ematen dieten babes osoa, edo eskuin espainolistak diktadura frankista nola goraipatzen duen. Argi dago gure bila datozela eta zapaldu nahi gaituztela.
Ez da kasualitatea faxista horiek guztiek, haien kontsigna nagusietako bat bezala, emakumeen zapalkuntza aldarrikatzea. Urtez urte, esplotatuen artean esplotatuenak altxatu egin gara eta hamarkadetako zapalkuntza, eskubide ukapena, Eliza Katolikoa, justizia patriarkala eta hortik guztitik negozio handia egiten dutenak salatu ditugu. Orain haien errebantxa nahi dute.
Horregatik, otsailaren 28an egingo dugun bezalako topaketak funtsezkoak dira. Ideiak trukatzeko, elkarri entzuteko eta haiei aurre egiteko politikoki armatzeko. Goiz osoa, 10:00etatik 14:30era, gure borrokaren historiaz, prekarietateaz eta lan esplotazioaz, jazarpen matxistaz, eta esklabotza sexualaz eztabaidatuko dugu. Eta nola gure banderak PSOEren boterearekin hain ondo eramaten den feminismo transfobo, zaharkitu horrekin zerikusirik ez duela. Hori guztia ELZko, PLEIko (Haur Eskolak) langileekin, Kelly-ekin edo Inditex-eko saltzaileekin batera egingo dugu, baita martxoak 6ko ikasle greba sustatzen dugun ikasleokin ere. Borroka feministaren lehen lerroan dauden beste herrialde batzuetako kideen agurrak ere jasoko ditugu.
Baina hau ez da hemen amaitzen! 18:00etan EKITALDI PUBLIKOA egingo dugu Rosa Luxemburgo gunean, guztiontzat irekia, “Mujeres en pie contra el fascismo. Hoy como ayer: ¡No pasarán!" pilak ahalik eta gehien kargatzeko eta M6 eta M8ko mobilizazioei behar dugun indar antifaxistarekin aurre egiteko. Olga Gutierrezek eta Pilar Navarrok (biak Trantsizioko Ahaztuen Aldeko Kolektibokoak), Alejandra Velascok (Global Sumud Flotillako partaidea), Mar Cambrollék (Plataforma Trans Federazioko lehendakaria) eta iragarriko ditugun beste askok hartuko dute parte.
Hartu topaketa ahaztezin batean. Eman izena hemen eta zurekin harremanetan jarriko gara informazio guztia emateko.
Otsailaren 28an elkar ikusiko dugu! Eraiki dezagun erresistentzia feminista, antifaxista eta internazionalista!
M8ra bidean!
