Hezkuntza publikoa borrokaren bidez defendatzen da!

Astean zehar, irakasleen grebak hezkuntza geldiarazi du. Astelehenean manifestazio erraldoiak 3 hiriburuetan, asteartean piketeak eta mobilizazioak auzoz auzo, eta asteazkenean, sindikatuen eta Kontseilariaren arteko bilera zela eta, milaka irakaslek kaleak hartu zituzten Kontseilaritzaren aurrean. Valentzian, egun horretan, milaka irakaslek berehala gaitzetsi zuten Orti kontseilariak sindikatuei egin zien proposamen hutsala, eta mezu oso argia helarazi zieten negoziazio-mahai horretan esertzen diren guztiei: ez dugu ogi-apurrik nahi. Aurreko egunean, Generalitateko Palauaren aurrean, presidentea seinalatuz horren arduradun gisa, Sindicat d’Estudiants-eko kide bat poliziaren gehiegikeria baten biktima izan zen kontzentrazio hartan, non astindu eta identifikatu egin zuten, gure sare sozialetan salatu ahal izan dugun bezala.

Hau guztia ostiralean gertatuko zenaren atarikoa izan zen. Ikasgelak berriz ere hutsik zeuden, irakasle grebaren eta Sindicat d’Estudiants-ek deitutako ikasle grebaren ondorioz. Valentziako auzo ezberdinetatik abiatu ziren lehen zutabeei beste probintzietatik iristen hasi ziren autobus eta autoak gehitu zitzaizkien. Poliki-poliki erdigunea berriro kolapsatu eta berdez tindatzen ari zen. Berriz ere indar sentsazioa zen nagusi zutabeak, irakasle eta ikasle taldeak, pankartak… nola iristen ziren ikusten genuen guztion artean. Ordu erdi inguruan Sant Agustiko Plaça txiki-txiki egin zen bazter guztietatik etorritako jendetzarentzat. “Educació, publica, de qualidad i en valencià!”. Milaka irakasle, ikasle eta familien oihua hiri osoan entzuten zen.

Hui estem estat les companyes del Sindicat d’Estudiants i d’@EsqRevoluciona a la concentració al Palau de la Generalitat amb les nostres professores.

Nosaltres ho tenim molt clar: l’educació pública es defensa lluitant. Tothom als carrers divendres 15✊🏽 pic.twitter.com/8uKqpTcw7f

— #Vagaeducativa🇵🇸 (@Sindic_Estud_PV) May 13, 2026

Sindicat d’Estudiants-eko kideok gure pankarta zabaldu genuen l’Horta Sud-eko zutabean eta ordu eta erdi egon ginen mugitu ezinik Plaça Sant Agustí-tik metro gutxi batzuetara. “Docents i estudiants, unides i endavant!” “Consellera, dimsió!” “Ortí, escolta, açò és una revolta!”. Horrela jo zuen Valènciako erdiguneak 3 orduz, milaka txilibitu, sirena, danbor… hotsarekin batera ez zen isiltasun arrastorik egon mobilizazio osoan.

Berriro ere hezkuntza komunitateak erantzun eredugarria eman die Consellerak egindako irainei, bere ogi-apurren proposamen hutsalarekin eskola publikoarekiko, bere langileekiko eta bere ikasleekiko sentitzen duen mespretxu sakona erakusten baitu. Azken finean, langileriaren aurkako klase gorrotoa. Horren erantzuna Mazónen ordezko presidentearen eta kontseilariaren aurkako burla eta satira izan zen. Garaitu beharreko etsaiak dira.

✊🏽Impresisonant la columna de l’Horta Sud. Centenars de docents i estudiants marxem cap a Sant Agustí.

Hui la comunitat educativa farem història . Tenim la força per a acabar amb aquest Govern infame. #vagaindefinida pic.twitter.com/4PZnh3PRku

— #Vagaeducativa🇵🇸 (@Sindic_Estud_PV) May 15, 2026

Giza mareak hainbesteraino kolapsatu zuen Valentzia, aurrera egin ezinik orduak eman ondoren, manifestazioa Del Marqués Sotelo etorbidetik desbideratu zen udaletzera iristeko. Artean baziren zutabeak Sant Agustí-ra iristen lehen pankartak Plaça de l’Ajuntament-era iritsi zirenean.

Arnasten zen indarra ikaragarria zen: behetik, ehunka ikastetxetatik altxatutako mugimendua Valentziako gatazka sozial handiena bihurtu da, zalantzarik gabe.

Quinto día de la #VagaDocent indefinida. Así están ahora mismo las calles de València. Profesoras, estudiantes y familias somos una fuerza imparable en defensa de la educación pública, de calidad y en valencià.

Ortí dimisión, que caiga el Govern infame de PP-Vox. #VagaEducació pic.twitter.com/1P0Q6bMv5x

— Sindicato de Estudiantes 🇵🇸 (@SindicaEstudian) May 15, 2026

Manifestazioa mugarri bat izan zen, eta hezkuntza publikoa, kalitatezkoa eta valentziazkoa konkistatzeko eta Alderdi Popularraren eta Voxen gobernu kriminala behingoz kanporatzeko bidea zein den erakusten du. Horregatik, aurrera egin behar da borroka hau zabaltzeko, babesten gaituen langile-klase osoa inplikatzeko eta indar hori guztia Valentziako Herrialdean greba orokorra egiteko deialdia eginez, merezi dugun hezkuntza publikoa lortzeaz gain, behingoz Govern kriminal hau gainetik kentzeko, hezkuntza eta bere negozio pribatu eta arranditsuen alde aurkitzen dituen zerbitzu publiko guztiak suntsitzen dituen Govern bat.

Sindicat d’Estudiants eta Esquerra Revolucionària-tik ziur gaude hezkuntza komunitateak borroka hau horrela irabaziko duela, grebarekin eta masa borrokarekin. Irakasleen greba mugagabearen lehen astea gertaera gogoangarria izan da. Orain, borrokarekin jarraitzera, inoiz baino indar eta erabakitasun handiagoarekin.

Hezkuntza publiko duinaren alde! Irabazteko indarra dugu!