Horrela egiten zaie aurre trumpismoari eta ultraeskuinari
AEBetan politika arrazisten aurkako altxamendua hasi eta astebetera, protestak ez dira amaitzen, eta ekainaren 14ko larunbatean, deialdi bateratu berri bat egin dute: “No Kings Day”.
Milioika manifestari atera ziren kalera 2.000 ekintza baino gehiagotan, gutxienez 50 estatuetako 200 herritan, Trumpen asmo faxistei nola aurre egiten zaien erakutsiz.
AEBetako indar armatuen 250. urteurrena aitzakiatzat hartuta, armada Washingtongo kaleetara ateraz mezu beldurgarria bidali nahi zuen Trumpek. 6.000 soldaduk desfilatu zuten 150 ibilgailu eta 50 hegazkinekin. Egun hori bere urtebetetze festa bihurtu nahi izan zuen, 1991tik, Golkoko Gerra amaitu ondoren, horrelakorik egiten ez zenean. Goratzeko autoomenaldi bat zen, megalomanoa den aldetik, baina batez ere indarrezko mezu bat bidaltzekoa, armadaz eta kupula militarraz inguratuta, kaleak hartzen ari diren milioika pertsonak beldurtzen saiatuz. Hala ere, bere aurkako mugimendu izugarriak langile klasearen eta gazteriaren boterearen benetako erakustaldi batekin desfilea ilundu zuen, bere Gobernuari erronka ageriaz.
Desfilea patetikoa eta sumingarria izan zen, 45 milioi dolarreko kostuarekin, oinarrizko eskubideen murrizketak iragarri diren aldi berean. Porrota erabatekoa izan zen, harmailak ia hutsik eta hiletako isilik.
Bitartean, herrialdearen luze-zabaleko etorbide nagusiak manifestariz bete ziren, Woody Guthrie kantautorearen “No tenemos reyes”, “We 're not going to take anymore” (Ez dugu gehiago onartuko), “Tengo con que derretir a ICE”, “No reyes, no pasarán” edo Tear the Fascists Down “Derribar a los fascistas” bezalako abestiak oihukatuz. Woody Guthrie AEBetako faxismoaren eta arrazakeriaren aurkako borroka historikoaren sinboloa da. Indar handiz oihukatu zen, halaber, “dirudunak dira herrialde hau suntsitzen duen gutxiengoa” eta “Kanpora Donald Trump!”.
Langile klasearen aurkako erregimen basatia
Trump bertako eta atzerriko langileak atomizatzen saiatzen ari da, izu giroa sortuz, neurriak basatiak dira. Sarekadak langileen auzoetan, lantokietan, nekazaritza eremuetan, atxiloketak auzitegietan eta gobernuaren laguntza bulegoetan, baita eskoletan graduazio ekitaldietan sartzeak ere.
Mehatxuak argiak dira, Kristi Noem Segurtasun Nazionaleko idazkariarenak bezala: “Orain ez bazara joaten, aurkituko zaitugu, arrastaka eramango zaitugu eta deportatu egingo zaitugu”.
Edo Floridako Brevard konderriko Wayne Ivey sheriffarenak, zeinak bere hitzaldian, “El Estado contra los disturbios” izenekoan, honako hau adierazi baitzuen:
“Listua botatzen badigute, ospitalera eta espetxera joango dira (...) Gutako bat jotzen badute, ospitalera eta espetxera joango dira, eta litekeena da hemen dugun gure txakur handi eta ederretako batek kosk egitea ”.
“Adreilu bat edo su-bonba bat jaurtitzen badute edo gure agenteetako bat arma batekin apuntatzen badute, zure familiari jakinaraziko diogu non jaso zure gorpuzkiak, hil egingo baitzaitugu. Ez dugu jokatuko, hau gelditu egin behar da ”[1]. Eta hala egin zuten, larunbateko manifestazioetan Arthur Folasa hil zuten eta egun bat lehenago Jesus Molina mexikarraren heriotza ezagutu zen Georgiako atxiloketa zentro batean.
Ron DeSantis Floridako gobernadore errepublikanoa ezin zen atzean geratu, eta baimena eman zuen auto gidariek manifestariak harrapatzeko, legezko ondoriorik gabe[2].
ICEtik haratago doan eta sistema osoa zalantzan jartzen duen borroka
Baina mugimenduarentzat argi dago borroka ICEren sarekaden aurka borrokatzeaz harago doala. Gaur, migratzaileak bilatzen dituzte, baina gerra-alarmak ere entzuten dira Palestinaren aldeko mugimenduaren aurka, ezkerreko erakundeen eta diktadoregai honen aurka saiatzen den ororen aurka. Igande honetan, hilak 15, Washingtonen mobilizazioaren ondoren, Senatuko krimenaren eta terrorismoaren aurkako batzordeak ikerketa bat ireki zuen Party for Socialism and Liberation erakundearen aurka, ustez “protestak koordinatu eta gidatzeagatik”.
Gobernuak erasoaldi militarra abiatu du murrizketa-politiken aurkako matxinadak zapaltzeko. Gure klasearen gain jarri nahi du sistemak berak eragindako krisiaren kostua, desindustrializazioak, parasitismo finantzarioak eta zorpetzeak ajeak jota.
Mehatxua orokorra da. Kongresuko Aurrekontuetarako Bulegoak uste du, Trumpen ekimen legegile nagusiarekin — “Lege handi eta eder bat” deitzen diona —, % 10 familia aberatsenek biztanleriaren sektore pribilegiatuek, ordaindu beharreko zergen murrizketari esker 12.000 dolarretan handituko dutela bere urteko diru-sarrera erabilgarria.
% 10 pobreenak, berriz, 1.600 dolar galduko ditu urtean batez beste, hau da, % 3,9 gutxiago. Murrizketa horiek, neurri handi batean, Medicaiden murrizketatik eta elikagaietarako laguntzak eskuratzeko murrizketa berrien ondorioz. Proiekzioen arabera, 2034rako 10,9 milioi pertsona baino gehiago aseguru medikoa galtzeko arriskuan daude. Horietatik 1,4 milioi herritartasun edo estatus erregularrik gabeko migratzaileak dira, gainerakoak AEBetako herritarrak dira.
Milaka pertsona kalera atera dira, eta, polizia arrazistari ez ezik, “munduko armada boteretsuenari” marineak eta destakamenduei ere aurrez aurre egin diete, etxeratze-aginduari desafio eginez. Atxiloketak berehala gertatu diren arren, mobilizazioak ere ez dira geldiarazi. Orain arte, Guardia Nazionalaren 4.000 elementu eta 700 marine baino gehiago zabaldu dira Los Angelesen, eta Greg Abbott Texasko gobernadoreak 5.000 soldadu gehiago mobilizatu zituen larunbatean.
Segurtasun Nazionaleko Departamentuak (DHS) milioi erdi abisu bidali die Kubatik, Haititik, Nikaraguatik eta Venezuelatik etorritako migratzaileei duten baimen humanitarioa bertan behera geratu dela komunikatzeko, eta 54.000 migratzaile mexikar baino gehiago kanporatu ditu aurten.
Trumpen Gobernuaren izaera faxistoidea ukaezina da. Bere diskurtsoak eta bere metodo eta helburu askok gero eta antz handiagoa dute bere aliatu Netanyahu nazisionistak Israelen aplikatzen dituenekin edo 30eko hamarkadan Hitlerrek eta Mussolinik aplikatu zituztenekin. Antzeko izu-erregimen bat ezarri ahal izango balu, ez luke zalantzarik izango. Hori eragozten duena, hain zuzen ere, gaztedia eta langile-klasea protagonista dituen masa-mugimendua erakusten ari den indarra da.
Ez da gehiegikeria bat. Azken aste hauetan propaganda dei bat kaleratu du, sentimendu arrazista sustatzeko eta bere oinarri soziala masa mugimenduaren aurka mobilizatzeko, paperik gabeko migratzaileak salatzera gonbidatzen duten kartelak zabalduz, juduak atxilotzeko faxistek egiten zutenaren antzekoa. Horrez gain dirua eskaini die migratzaileak entregatzeagatik, polarizazioa eraginez non lumpen eta arrazistak Trumpen aurka egiten duen edonoren aurka jotzera animatzen ditu, Melissa Hortman Minnesota estatuko kongresista demokrataren eta haren senar John Hoffmanen hiltzaileak egin duen bezala.
Egoera hori gorabehera, demokraten jarrera Trumpen neurri errepresiboenetako batzuk modu hipokritan kritikatzen dituzten diskurtsoak egitea da, praktikan Los Angeleseko alkate demokratak etxeratze agindua mantentzen duen bitartean. Bere aurkakotasuna diskurtsoetara mugatzen da, demagogikoki bakea eta elkarrizketa eskatuz, eta praktikan, berriz, errepresioa justifikatzen laguntzen dute, koru mediatikoarekin bat eginez “indarkeria”, “kontrolik gabeko talde erradikalen jarduerak”, eta abar., baina hori manifestari askoren erantzun defentsiboa baino ez da, gorputz errepresibo polizial eta militarretako faxista uniformatuen erasoen aurrean.
Baina zer espero daiteke alderdi Demokrata bezalako batengandik, klase nagusiaren interesak ere defendatzen dituena, Obamaren eta Bidenen Gobernuetan migratzaileen deportazio masiboko politika berberak, soldaten eta langile klasearen eskubideen aurkako erasoak aplikatu zituena, Ukrainako Gerra inperialista elikatu zuena eta Palestinako herriaren aurkako genozidio sionistari eusten eta babesten lehena izan zena?
Trumpismoa garaitzeko greba orokorraren alde!
Mobilizazioan eta antolakuntzan eskalatu behar da herrialde osoan. Bertako langileen eta langile migratzaileen greba orokor bat behar dugu, AEBn benetako boterea nork duen frogatzeko.
Autodefentsa batzordeak antolatu behar dira auzo, eskola eta lantokiko batzarren kontrolpean, piketeak antolatu behar dira bazter guztietan erakusteko borroka hau langile klase osoaren borroka dela, bertakoena zein migratzaileena, eta zapaldutako guztiena, langile klase osoa menperatu nahi gaituzte-eta, Trumpek elite baterako gobernatzen jarraituko duela bermatzeko. Sindikatuetako buruzagitza guztiei dei egin behar zaie greba orokorra deitzeko, Trump gobernutik bota eta etorkinen aurkako ehiza geldiarazteko. Dei horrek barne hartu behar du AFL-CIOko milioika afiliatuei zuzendutako mezua, burokrazia sindikalak burutzen ari den politikari aurre egiteko, zeinak borrokak zatitu eta banandu, gutxieneko aldarrikapenetara mugatzen saiatu eta gai erabakigarri guztietan Alderdi Demokrataren politika kapitalistak babestu baino ez ditu egiten.
Soilik kaleetako borroka jendetsuak langile klase osoaren aldarrikapenak bateratuz, langile migratzaileak erakusten ari diren bezala, garaitu dezake Trumpen eta langile klasearen aurka babesten duten korporazio handien gerra deklarazioa.
Trump eta errepresentatzen duen sistema guztia eraitsi behar dugu. Borroka antolatuarekin bakarrik lortu ahal izango dugu, lantegiak eta enpresak hartuta, AEBetan, Mexikon eta mundu osoan. AEBetako botere ekonomiko eta politikoa korporazio askoren eskuetan dago: Apple, Microsoft, NVIDIA, Alphabet, Amazon, Walmart, ExxonMobil, UnitedHealth, JPMorgan, Goldman Sachs, BlackRock, Meta, Tesla, etab. Trump boterera eraman zuten berberak dira.
Enpresa horiek langileen esku eta gizartearen zerbitzura egonda, trumpismoaren porrota eta Kapitalismo globalaren suntsiketa ziurta ditzakegu mugarik gabeko gizarte berri bat eraikitzeko, herriak espoliatu gabe, non inor ez den behartuta egongo bere lurraldea uztera, bere jatorri geografikoagatik, koloreagatik edo hizkuntzagatik inolako jazarpenik jasatera, ezta pobrezian bizitzera ere.
