Borroka da eskubideak lortzeko bide bakarra
Arabako metalaren sektoreko langileen lan baldintzak okerrera doeaz urtetik urtera, eta behin-behinekotasuna eta malgutasuna, miseriazko soldatak, aparteko orduen abusua, azpikontratazioaren igoera eta abar nagusitu dira. Prekarietatea langile gehienentzat orokortu da, bereziki gazteenentzat. Euskal Herriko metalgintzako sektoreko hitzarmen guztietatik, Arabakoa da baldintza txarrenak dituena, soldata baxuenak eta urteko lanaldi altuena baititu.
Urte hauetan zehar, UGTk eta CCOOk gutxiengoak izanda sinatu dituzten eraginkortasun mugatuko itunek, patronalaren asmoen aurrean amore emanez, egoera honetara eraman gaituzte. Bestalde, patronalak, Covid-19aren krisia aitzakiatzat hartuta, gehiago estutzeko aprobetxatu du, lan-baldintzen aurkako erasoak EEE bihurtu diren aldi baterako enplegu-erregulazioko espedienteen bidez orokortuta, edo aldi baterako langileen kaleratze masiboa eginda, eta, aldi berean, etekinak esponentzialki handitu dira.
Baina ez da erantzunik gabe geratu erasoaldia. Euskal Herrian enpresa askok ekin diote borrokari, eta gatazkak bateratzeko koordinatu ere egin dira. Borroka enblematiko eta eredugarriena Tubacexeko langileena izan da, azkenean 129 kaleratzeak bertan behera uztea ahalbidetu duena. Eta gauza bera Euskal Herritik kanpo, duela gutxi Cadizko metalaren greba eredugarrian ikusi dugun bezala. Bi kasuetan, EAJren edo PSOE-UP Gobernuaren errepresio bortitzarekin erantzun zaie, adibiderik zabaldu ez dadin.
Arabako Metalaren Hitzarmenaren negoziazioak geldirik daude duela hiru urtetik. Hala ere, egun dagoen presioaren eta ezinegonaren ondorioz, CCOOk bertan behera utzi du UGTrekin gutxiengoan hitzarmenak hitzartzeko estrategia, eta ELArekin eta LABekin bat egin du, sektoreko langileen lan-baldintzetan aurrerapausoak jasotzen dituen plataforma bateratua osatuz. Orain, antolaketaren eta kaleetako mobilizazioaren bidez defendatu behar da.
Patronalak ez du ezer oparituko. Langileen lan baldintzak hobetzea borrokaren bidez bakarrik lor daiteke. Bizkaiko, Gipuzkoako edo Nafarroako metalgintzako hitzarmen probintzialak Arabakoak baino hobeak badira, langileak gogor antolatu eta mobilizatu direlako da. Hala gertatu zen 2019an Bizkaiko metalaren sektoreko borroka eredugarriekin.
Cadizeko edo Tubacexeko langileek markatutako bideari jarraituz, plataforma bateratu hori defendatzeko beharrezkoa da sektoreko mobilizazio eta greba orokorren goranzko egutegia egitea, patronalaren besoa bihurritu arte. Hori da patronalak ulertzen duen hizkuntza bakarra, grebarena eta borrokarena!
Baina Arabako metalean gertatzen dena ez da gauza isolatua. Patronalaren eta haren zerbitzura dauden gobernuen erasoaldi gogorrari egin behar diogu aurre, bizi-baldintzen narriadura orokorrarekin, langabeziaren gorakadarekin, gosearen ilarekin, zeruraino igo den inflazioarekin eta hezkuntzaren, osasunaren eta zerbitzu publikoen suntsipenarekin.
Horregatik, inoiz baino arrazoi gehiago daude gehiengo sindikalak, ELAk eta LABek, Euskal Herri osoan greba orokorra deitzeko, duela hilabete batzuk planteatu zen bezala, bereziki 2012an CEOEri hain zerbitzu ona ematen dion PPren erreforma bere horretan mantentzen duen lan-erreforma berria onartu ondoren.
Erasoaldira pasatzeko unea da!
Greba orokor batek helburu oso argiak izan behar ditu:
- Sektore guztien borrokak bateratzea, kaleratzeak eta gure soldaten eta lan-baldintzen aurkako erasoak geldiarazteko. Patronalaren erasoaldiaren aurka, greba orokorra!
- Lan eta pentsio kontraerreformak berehala indargabetzea. LGS eta 1400 euroko gutxieneko pentsioa. Aski da hitz egiteaz, ekintzak nahi ditugu!
- EAJ-PSE Eusko Jaurlaritzaren murrizketarik eta austeritaterik ez. Zerbitzu publikoen defentsan. Estatuko Aurrekontu Orokorrei ez! Ez bete bankuen eta patronalaren poltsikoak!
- Mozal Legea eta lege errepresibo guztiak berehala indargabetzea. Borrokatzen ari garenak kriminalizatzeari, ez!
-Elektrika, banku eta sektore estrategikoen nazionalizazioa. Etxebizitzaren espekulazioaren aurka, eraikuntza-enpresa eta higiezinen desjabetzea eta etxebizitza publikoen parke baten sorrera.
Euskal Herriaren autodeterminazio eskubidearen eta sozialismoaren alde.
