Pasa den ostiralean 3+2 dekretua onartu zuen PPren gobernuak. Ikasle Abertzaleakek eta Ikasle Sindikatuak ezezko biribila eman diote hezkuntza publikoaren aurkako eraso berri honi. Otsailaren 26an kalera ateratzeko deia egin du Ikasle Abertzaleakek eta Ikasle Sindikatuak berriz ikasleen greba orokorra deitu du otsailaren 25 eta 26rako. Euskal Herria Sozialistatik beharrezkoa ikusten dugu dekretu honen aurka mobilizatzea. Otsailaren 25 eta 26ko greba babesteaz gain, 26an ekintza batasunean mobilizatzeko deia egiten diegu bi ikasle erakundeei. Aldi berean, beharrezkoa da irakasleen sindikatuek ere ikasle erakundeek deitutako mobilizazioak babestea. Osasun publikoaren aldeko borrokan bezala (ELA, LAB, SME, FFHE, CCOO UGT eta ESK ekintza batasunean ari dira) funtsezkoa da modu bateratuan mobilizatzea eta eraso honen aurkako borroka sendoa antolatzea.
