Leninen beste liburu bat argitaratu du, oraingoan katalanez, Federico Engels Fundazioak. Lan honen izenburua El dret d’autodeterminació de les nacions (Nazioen autodeterminazio eskubidea) da, eta gaiaz Leninek idatzi zuen lan garrantzitsuenetarikoa dugu zalantzarik gabe.
Zehazki duela ehun urte, 1914ko otsail eta maiatza bitartean idatzitako liburu honek gaurkotasun ikaragarria du. Leninen helburua, batetik, marxismoak arazo nazionalarekiko zituen oinarri teorikoak, metodologikoak eta programatikoak eta, bestetik, klase arteko borrokarekin duen harremana zehaztea zen. Horrela, gai honekin gazte eta langile sektore aurreratuenei orientazio politiko bat eman zien. Arazo nazionalarekiko posizio zuzenik gabe, boltxebikeek ezin zezaketen 1917ko iraultza gidatu eta garaipenera eraman.
Ez dugu zalantzarik eskubide demokratiko eta sozialen aldeko pertsona horiek, orain kapitalistek eta hauen gobernuek mehatxatzen dituzten pertsona horiek, liburu honetan inspirazio iturri garrantzitsua aurkituko dutela beren ekintza politiko, sozial eta sindikalerako. Hain zuzen ere, badirudi liburuko pasarte asko Estatu espainiarrean eta Euskal Herriko edo Kataluniako arazo nazionalean pentsatuz idatzita dagoela. Halaber, liburuak Kataluniako egoera azaltzen duen sarrera luze bat dakar.
