GURE ESKUBIDE DEMOKRATIKOAK DEFENDA DITZAGUN
ELKARTASUNA KATALUNIAKO IKASLEEKIN ETA HERRIAREKIN!
Kanpora 155a! Errepresio frankistarik ez!
Aski da, gazte eta langileon borrokaren kriminalizaziorik ez!
Paroak ikastetxeetan 11etatik aurrera. Kontzentrazioak 12tan
a Deskagatu hemen eskuorria
PPren gobernua, Ciudadanosen eta PSOEko buruzagien babesarekin eta Estatu aparatuarekin batera diktadura garaitik ikusi gabeko gorakada errepresiboa aurrera eramaten ari da gure eskubide demokratikoen aurka.
Gaur Katalunian benetako salbuespen egoera frankista bizi da. Independentismoko buruzagien atxiloketa eta pertsekuzioa, irakasle eta gazteen aurkako epaiketak beren ideiengatik eta CDRen eta mugimendu sozialen kriminalizazio kanpaina basatia, jazarpen autoritario horren bidearen adierazgarri dira. PPren zerbitzura dauden tribunalek darabilten errepresio prozedurek argi erakusten dute 155 blokeak ez dituela Abenduaren 21eko emaitzak onartuko, eta gutxiago herri katalanak duen erabakitzeko eskubide legitimoa. Auzitegi Konstituzionalak, gobernuak eta komunikabide handiek berriro ere biktimak borreroekin nahastu nahi dituzte. Biolentoak Catalunyako gazte eta langileak direla diote modu baketsuan beren erabakitzeko eskubidea defendatzeagatik U1ean, 10.000 polizia eta Guardia Zibil baino gehiagok diskriminaziorik gabe beraien aurka kargatzen eta borrekin kolpatzen zituzten bitartean.
Aski da, muntaia polizialik eta errepresio frankistarik ez! Altsasuko gazteak aske!
Errepresioa Kataluniatik haratago doa eta Euskal Herrira eta Estatu mailara ere iristen da. Espetxean urte eta erdi daramaten Altsasuko gazteen kasua, eta beste hainbat prozedura judizial daude martxan Mozal Legearen bitartez gazteen, langileen, raperoen, twitteroen aurka. Errepresioak helburu argi bat du: langile familien aurka mota guztietako eraso eta murrizketak inposatu nahi dizkigute, horren aurka ahotsa altxatzea eta borrokatzea kriminalizatuz. Gure ikastetxeetan ere gertatzen da. Zuzendaritzek eta Eusko Jaurlaritzak geroz eta gehiago erasotzen dute gure greba eskubidea modu isil batean. Bitartean, eraso faxista basatiek, eskuak bete dirua lapurtzen duten PPko kargu ustelek, enpresariek eta bankariek erabateko inpunitatea dute.
Murrizketa gehiago hezkuntza publikoari eta ikasleak “espainolizatu”
Testuinguru honetan, PPren gobernuak areagotu egin du hezkuntzan LOMCEarekin frankismo garaiko hezkuntza eredua ezartzeko eta gu “espainolizatzeko” plana. Iñigo Mendez de Vigo Hezkuntza ministroak, orain dela gutxi legionarioen desfilearen aurrean “soy el novio de la muerte” kantari agertzen zenak, ikasgai berriak adostu ditu Defentsako ministerioarekin: indar armatuen, monarkiaren eta sinbolo espainolen gurtza ezarri nahi dute ikasgeletan, ikasleek “la banderita” abestuz ikastetxe guztietan.
Datorren apirilaren 26ean, Catalunyako ikasleak masiboki aterako dira greba orokorrera PPren errepresio frankistaren aurka. Euskal Herritik babestu eta beraiekin batera mobilizatu behar dugu, gure eskubide demokratikoak, euskara eta hezkuntza publiko, doako eta duina defendatuz. Horregatik Ikasle Sindikatutik egun horretan ikasle guztiei 11etatik aurrera paroa egin dezaten eta 12etan hiriburuetan egingo diren kontzentrazioetan parte hartzeko deia luzatzen diegu. Martxoak 8ko grebak eta pentsionisten mobilizazioek zein den bidea erakutsi dute.
Kontzentrazioak 12etan
Bilbo: Moyua
Donostia: Boulevard
Gasteiz: Andramari Zuria
